閒事

1. 這幾天在寫關於八十年代的文章，編輯大哥吹雞，點都要寫，一寫就成一個系列，已經完成兩篇，我都唔知點解，我好想知要寫到最好應該要有幾好。

2. 看了Charlie Wilson's War，好平實，睇主角演出，總覺得好睇之中又差少少，唔知點講。不過都係好戲，其實我體恤製作人辛苦，一係唔睇，一係唔講，講就只會講好的，厚道同積口德都係重要嘅事呀!

3. 上網有問題，一時上到一時上唔到，唔知想點。

4. 開始用廣東話寫ctm 的手作仔，你當我偷懶又好，當我玩又好，幾時有人當過我的文章係認真呢？

5. 買了松本清張的《點與線》，N年前在租書店讀過，印象深刻。其實日本推理小說真係好睇，好睇過外國呀，節奏又快。

6. 學生送我的杭州白菊茶包，又香又好飲。

7.八十年代初我的偶像一度是譚詠麟，如果有機會再揀，我會知道點揀，不過細個時，鬼知以後會點咩。

8. 某日早上cinemax做Breakfast at Tiffany's，經典啊，其實我未睇過，睇咗少少幾好睇，可惜要返工。晨早唔睇新聞開去睇cinemax，真係衰。

9.我以前覺得Moon River 好聽，現在都覺。