最近我登入臉書卻老是被挑逗,各路文青皆愛hi我一下,然後可愛地提問:「你會唔會參加今屆文學獎?」其實我每次都會對住個「芒」講一次:「關你L事咩!」但為了不失霸氣,我還是會輕呷一口Dry Martini,輕鬆回應:「Come on,齋講真係冇用,心動不如行動。」
由於上半年環球經濟數據遜於預期,且呈現窄幅上落,而澳門文學獎獎金豐厚,足以為文學愛好者的資產帶來支持,更不失為年輕一族儲備第一桶金的明智之舉,正所謂你不理財,財不理你,識寫中文字,參加文學獎,可謂合情合理。
文學獎既可發揮你的才華(假設你有),又可展現個人優勢(即係夠得閒),其回報率更可能優於大市。市面上不少進取投資者已被小說、散文、新詩、戲劇四組冠軍各有1.5萬元獎金所吸引,採取全攻型策略,爭取一筆過盡賺6萬元。而你老友史提芬周曾笑談大計:「比賽得咗獎我就玩投稿,之後要寫專欄,跟住專欄一個變兩個,兩個變四個,四個變八個,之後再搞埋本雜誌上市啦笨…….」(每個人心中都有文學夢啊!)
基於不知道評判是誰的不明朗因素,個別參賽者會採取審慎態度,選取「值博率」較高的組別搏一搏。其中,新詩組的入場門檻最低,寫幾行字而有詩意已ok,深受文青喜愛。散文組亦屬進取投資,求其寫得唔普通、夠特別、與別不同,想輸都好難。小說組宜睇長線,回報取決於題材與技巧等不同板塊的後市表現,投資者要付出耐性,一旦破頂,估計升幅驚人。戲劇組看似深奧,但你長年追齊tvb三線劇集,塵世間哪有劇情能把你難倒?
當然,投資產品可升可跌,升升跌跌都是時勢使然,閣下大作既有機會名利雙收,亦有可能一無所有。不過只要嚴守止蝕,輸咗都唔好Lur地,保持樂觀心態,馬上將作品投稿發表套現離場,免得在蟹貨區掙扎徘徊暗自神傷,所謂有賭未為輸,文學獎過兩年又會再來一次。
Ha,老師的文章好幽默喔。
回覆刪除文學獎新詩往往最多人參加,但我覺得新詩最難寫。