地方太細,腦殘太多

M城真係太細。

你放一個屁，都有人聞一聞，然後同街口個八婆講：「條友放咗個屁呀，不過唔係幾臭，可能最近無錢出街食飯，d屁都清淡咗呀！」

同時，M城人又太喜歡自以為了解M城人。

所以你放完一個屁，比人聞到，都可以引來一班八公八婆在你背後認真分析，細緻研究，深入討論，然後從那個屁的元素拼湊出屁主過去三個月和未來大半年的生活動態和經濟狀況，M城人的互相關心有時真的令人感動得想哭。

M城真係太細。

你舉高隻手，會打親人個頭，你大聲講嘢，會噴到人對眼，所以振臂一呼和放言高論在M城都是不成文的禁忌，儘管沒有人真的會管制你，大家就是喜歡這樣自己禁制自己，然後習慣該出手時就收手，該出聲時就收口，但鼓勵大家竊竊私語批判他人唔夠勇敢唔夠大聲不知所謂別有用心。

同時，M城人又太喜歡把知道的事情當作不知道，把不知道的事情當作完全知道。

所以一出狀況，M城人第一句回答就係：「我點知咁多呀！」

所以M城人了解事物的方式係：「我聽人講……網上D人又話……」聽一D，想像一D，再創作一D，M城的人就係咁以為自己無所不知。

M城真係太細。