這班在各地讀大學的小鬼
暑假和新年總會十幾二十人約我出來
一年見我兩次
有點像清明重陽
不過分開了五年還有聯絡
過時過節也收到他們的電郵
我想那幾年我做老師也不算白做
回想教書的日子
我是過得很開心
至少跟同事都相處得好
做事可以很獨立
基本上完成本份就不必理會別人
教學方面更是沒有難度
我教過集合全部精英的整齊班
也教秩序較差的班級
各有各的快樂
在整齊班可以講一些較深較難的內容
出卷又可以設計些高難度問題
很有成功感
在普通班要用盡所有功力
深入淺出
令一班無心向學的小朋友定定的坐下來聽課
日日要搞棟篤笑
滿足感更大
當然連續上很多課和連續強幾個班的功課常令人很累
但回想起來也是很好的時間分配訓練
因為已經不是老師
我特別珍惜跟學生見面的機會
雖然他們改不了口仍叫我阿sir
不過我都當他們是朋友了
他們現在升大三
當所有人畢業之後
大概見面也不會那麼齊人吧
過來人都有這種經驗的
2002年2月我離開學校當日，我的高一2班學生在課室搞了個鬼馬歡送會
上圖為他們製作的禮物
這些東西現時仍被我好好保管
注意！我在他們心目中基本上是豬頭
還有現在看看那班房
是不是有點浮誇呢？
再浮誇都係大家既心意呀...而且...我諗今日再重黎一次,我地大家都會繼續貫徹呢種"誇張"既表達方法~~突然間好想講句--"Sir,好掛住你呀!^^"
回覆刪除影:
回覆刪除知妳有心,不過浮誇是指課室頂的一行字.
我想在其他地方很少見吧!
上次聚會妳不在,不過久違了的霏霏都來了,連家盛都來了,係唔係好想見佢地呢?
呵呵,我post左個feedback以後先諗到,其實你講既浮誇係另有所指...=_="(笨左添^^)
回覆刪除我都好耐無見過佢兩個,上次見個時,我都仲係澳門讀緊書,不過一向都有同嘉盛聯絡,佢返去個時仲問我你既聯絡方法...不過可惜呀,我返親去既時間同佢都唔o岩,如果唔係我都想見下佢,好奇怪呀,以前我地兩個反而無咩野講,但係隔咁遠以後,反而多野講左,大雄話咁係因為我地真係隔太遠,而且無咩機會見面,所以先可以更容易將想表達既野表達出黎...我自已諗下又係,因為面對面我反而唔係好敢講野^^呵呵...
我今次見嘉盛覺得佢成熟沉穩了不少呢,上次見妳都覺得妳有d怕羞啊!
回覆刪除