看了電影“龍虎門”
這公仔書是我兒童時代的主要讀物
我睇呢本書應該勤力過讀書的
一度很熟悉這個其實很爛的故事
以為是真人真事
如果我有十字追魂棍你話幾無得頂呢
雖然已經十幾年沒有再買這公仔書
但入電影院是為了情意結
電影令我有點失望
故事改編是ok的
部份場面也好看
我最反感是明明最唔好打而且一早死了的王小龍反而出奇地抽得
最勁的王小虎個絕招電光毒龍鑽未開動就比人打抵
石黑龍個金鐘罩都在電影中不堪一擊
佢明明刀槍不入架
龍虎門的動作場面看得出是大製作
開頭三個主角出場顯身手就很有心思
但最後一場大戰火雲邪神的動作設計就有點熟口熟面
大奸角的絕招很像周星馳在“破壞之王”中的“無敵風火輪”十分搞笑
之後王小龍用降龍十八掌打敗火雲邪神的鏡頭又似十足“功夫”中從天而降的“如來神掌”
想不到今時今日周星馳的電影對武打片有那麼大的貢獻
我知道我不應該用公仔書的內容要求電影
但既然三個主角在原著中各有本領
為什麼不可以設計得公平一點呢
同時我都反感火雲邪神不夠奸
他居然會在最後關頭救了王小龍還令他增強功力
而且他一遇到王小龍就變得不好打
我懷疑佢地有景轟
當然創作人有創作的自由
但既用了原著的人物
就是為了吸引對原著有興趣的人入場吧
可能因為我小時候是石黑龍的支持者
在電影中見佢唔夠人抽
居然有一種挫敗感
不知道其他觀眾有何感想
我想動作電影是要講求動作設計悅目的
袁和平可以把奇洛李維斯變成絕世高手
為什麼龍虎門的動作導演只會令自己表現得好好打呢?
葉偉信也曾在"2002"令謝霆鋒好好打呀
點解會咁架?
圖片來源:http://those-days.com/lfm/0501/pic/cover0600.jpg
這期送嘅拉頁海報係我成世人第一次覺得出書可以好大件事
現在看來恍如昨日
.jpeg)
呢套電影仲未睇,不過聽說打得好勁。現在《龍虎門》的版權由文化傳信擁有,但佢地又將個版權借給黃玉郎的玉皇朝集團,佢地有版權後,將龍虎門漫畫重新繪畫,是為《新著龍虎門》,在漫畫內所有經典角色一一重現,王小龍仲要係好勁o個隻,所以而家套電影係跟住元祖龍虎門同新著改編。
回覆刪除說到為何整個電影由甄志丹擔網,因為佢打得之故,拍戲期間仲拿了金像獎動作導演獎,所以原本由謝霆鋒主演的電影最後改由佢擔網,變了一個阿叔同兩個靚仔做對手戲。
仲有,你個寂然世界大調查,同埋你話第時仲想做多啲調查,用一個文章的形式去做不太妥當,不如你申請我那種留言版,可以申請幾個,放在右邊的頂部,咁人地一入o黎就看到,也可以回應,現在的方式很麻煩,人地未必有睇到,回答過的人也未必再睇返新的進展。小小建議。
回覆刪除唔該哂,我研究下先.
回覆刪除我細個時完全唔睇香港漫畫
回覆刪除0係我眼中醉拳、龍虎門只係一本笑話書
始終最鍾情日本漫畫
唔好話我漢奸呀
丰子愷同埋祖國0既文學經典連環圖我鍾意到不得了
我小學六年級開始睇三國演義公仔版喇
我就無睇過漫畫版o既"龍虎門",不過今次佢改篇得幾好笑.從手機到變得唔好打o既火雲都有...
回覆刪除商業電影就係咁,好多對原著期待o既戲份未必出現,所以點解王小虎一支獨秀?因為大家都覺得佢係"殺破狼"o既延續呢.
打錯打錯,應該係王小龍先o岩...
回覆刪除我果然唔了解"龍虎門"=.=...
其實十三點及之前時期的香港漫畫都十分之百花齊放
回覆刪除但玉郎個PK出現
攪到有商業機構全力操控創意方向的情況出現
漫畫創作變成工廠
漫畫編繪只成為由不同門類的工序組成過程
作品再無性靈可言
唔著上衫但又披住斗篷
著黑皮靴肌肉突隆拳拳閃電
主角配角眼耳口鼻一個樣
風位衣紋套套漫畫都一樣
乜都打一餐但故事淺薄
正正適合心志未成的少年
及七八十年代時不得志雄風盡失的中青年男性
港漫好有"文化"價值...亦具影響力...
但真藝術價值極低
所以一公開表態我就會畀人當街毆打
= ="
我應該係受低俗文化影響嘅受害者,可憐.
回覆刪除可能我被荼毒得太深了，由於至終，我都未當過港漫係垃圾，反而在這些垃圾中，尋到很多所為好漫畫及好有文化書籍中所遍尋不獲的東西。不過，港漫中也有高低之別，好好壞壞都不能一概而論。
回覆刪除最近我沉迷嘅火鳳燎原都真係極品啊
回覆刪除皮哥,你幾時又借d正野比我睇~~
回覆刪除寂然兄~
回覆刪除果然你心繫港漫
火鳳燎原的作者--陳某係HK人--0係香港漫畫界都混過一陣...今天結果去到台灣發展就紅到去日本
至今天讀他的作品還可見到絲絲港漫特色...
佢繪畫功力無可否認是一等一的
故事方面,,,亦漸入佳境,,,
三國人物的重新設定都好過癮
哇~不得了!
賀仔~
不如搵多幾個人去拱北小肥羊啦
又平又好食
到時我借套火鳳畀你又點話
賀爺:
回覆刪除呢o的爺要講緣份,不是不報,時辰未到。